حي على الاضراب . بس كفااية كلام عايزين فعل

الطبخة المسمومة

يبدو اننا كمعارضين بنبص تحت رجلينا ودايما تصرفاتنا ردود افعال على عمايل مبارك وعصابته .الموضوع وما فيه ان موضوع الاشاعة ده طبخة كبيرة ومسمومة المصريين بياكلوها وانهاممكن فعلا تبقى على طريقة فيلم ايام السادات ومبارك وعصابته استفادو وحيستفيدوا منها ع الاخر . ادى ابراهيم عيسى حيتسجن والدستور حتتقفل و الموضوع الكبير اللى هو التوريث وده السيناريو .1_الاشاعة تتطلع والناس تخاف على مستقبلها_تقولش حاضرها مشرق_ وايه الى حيحصل لوكانت حقيقة2_يبدا الزن الاعلامي على جمال مباركذى ماشوفتوا كده في البرنامج "وجهة نظر"والزن انه لسه صغير وقدامه عمر وانه سياسى ناجح ويبدا عناصر الداخلية والصيع بتوع الحزب الواطى يتحركو وسط الناس يبثوا سمومهم على طريقة هواحسن من غيره وانهلسه صغيرو صحته كويسة.3_وبعدين ينط على الكرسي بمسرحية الانتخابات اللى انتوا عارفينها وهى دى دى الحدوتة يابشر.

قاع المنحنى

التاريخ عبارة منحنى بيتكون من مراحل من الصعود والانحدار واحنا مع مبارك وصلنا لقاع القاع ومن المفترض اننا نبدا مرحلة الصعود بعد نهاية مرحلة مبارك باى شكل من الاشكال مات اتخلع بثورة اتحرق بجاز وسخ زي ما يكون "ده كان الرد اللى مالحقتش اقوله لواحدة ست ماعرفهاش بدات كلامها معاى بان العيش حيغلى وحيقى الرغيف ببريزة_اللى شايفين ان مبارك احسن من غيره يلبسوه_ وبعدين دخلت فى موضوع الساعة اللى هو موت المحروق مبارك وان اللى جاي حيبقى اسوا منه على اساس ان التاريخ بيقول كده من ناصر لمبارك للسادات-ياسلام عليها وهي بتتكلم بثقة- وان اللي جاى حيبقى مشغول فى النهب عشان يشبع.المهم مالحقتش ارد على اللى قالته لان واحد قطع الكلام بموضوع تانى اللى غايظينى فى الموضوع ده كله الجملة الرخمة بنت الوسخة بتاعة انه شبع سرقة و اللى حاى حيبقى مشغول بالنهب عشان يشبع كنت فاكر الحملة دي خلاص اتنست والناس اتاثرت بالاعلام الحر والمعارضين اللى قاعدين يهاتوا ليل نهار ويتسحلوا في الشوارع وبداوا يفكروا في الكلام قبل مايقولوه ويرددوه زى البغبغنات لكن واضح اننا لسه فى نفس النقطة . اوقات كتير بفكر ان الجملة دي اتنشرت عن طريق كلاب امن الدولة والصيع بتوع الحزب الواطى على طريقة فيلم ايام السادات لما كان انور السادات بيقول خلوالداخلية تغذى الاحساس ان مافيش حرب وتاكد الاحساس ده

تطرف

• دى مواقف شوفتها بتقول ان معظم الناس مابقتش فاهمة دينها صح _ويمكن ا نا اللى موش فاهم _.الموقف الاولانى كان فى المترو ,دخل راجل وقعد يقرا قران بصوت عالى جدا اعتراضى موش فى انه يقرا قران_انانفسى كنت بقرا قران في اللحظةدى_ اوغيره اعتراضى كان على الصوت العالى .التانية فى طلعت حرب راجل اشى وبصوت عالى قاعديقول ترانيم مسيحية. التالتة برضو في المترو راجل ركب قال دعاء الركوب بصوت عالى وبدا يتكلم مع الناس اللى هومايعرفهمش بالطريقة بتاعة المصريين وبدا يفسر قران ويشرح احاديث وبرضومن غير مايحترم خصوصيات الناس وانهم في الغالب موش فايقينله.التالتة فى الشارع فى مدينة نصرولد صغير بيوزع اعلانات محل ملابس رفضت اخد الاعلان اللى فيه قاللى خده يمكن ربنا يهديك وتربي دقنك وتلبس جلبية قولتله انت فى الدقن ممكن تبقى صح انمامافيش زى موحدللمسلمين واللبس الشرعى"موش بحب كلم الزى الاسلامى" شروطه كذا كذا بصلى بصة وحشة المهم سبته ومشيت